ESCOLA SECUNDÁRIA GERAL PÚBLICA No. 1 DE LIQUIÇÁ
Eskola ne’e hahú ativu prosesu aprendizajen iha tinan 1993 to’o 1999, tempu okupasaun Indonézia ho naran Sekolah Menengah Atas Negeri 1 Liquisa (SMA Negeri 1 Liquisa) ho Diretór Eskola mak Sr. Drs. Sirilus Nahak no eskola ne’e ho ninia edifísiu no fasilidade sira ne’ebé kompletu, maibé tamba situasaun polítika iha dia 30 de Agostu tinan 1999 rezultadu husi referendum indika katak husi pro kemerdekaan hetan vitória no pro otonomi ka milisia Besi Merah Putih ne’ebé forma husi militár Indonézia hahú estraga ba edifísiu hotu-hotu inklui eskola refere.
Diskursu Diretór Eskola
Obrigado ba Santissima Trindade Nia Protesaun ba ita no Obrigado ba Xefi Departamentu ICT husi SECOMS ho nia ekipa Ba dahuluk hakarak deseza hau nia apresiasaun ba ekipa Media SECOMS ho departementu.
ICT ne’eb’é disponivel to’o mai iha ami nia Eskola hodi apoiu no kria plataforma website eskola no jornal parede dijital. Ami sente orgullu tamba pela primeira vez ami nia Eskola iha oportunidade hodi hetan apoiu direta hosi Media SECOMS ho departementu ICT. Ami kompromete katak ami nia estudante sira sei aproveita diak hodi aprende no esplora kuñesimentu no kreatividade hodi dezenvolve sira nia matenek liu husi plataforma website ne’ebé estabelese ona.
Informasaun Atuál
Jornál Parede Dijitál
Jornál Parede Dijitál nu’udár plataforma media komunikasaun ho formatu dijitál, programa ne’e inklui introdusaun jornalizmu báziku iha eskola sira, enkoraja prátika hakerek, lee no kriasaun konteúdu dijitál hosi estudante sira. Jornál Parede Dijitál bele utilizadu atu hato’o informasaun ka notisiás, anúnsiu, no konteúdu relasiona ho atividades eskola.
Testimonials
“eskola ida neé nakloke ba ema hotu-hotu depois, eskola ida ne’e mos la hare ba kor ida ne’e ou kor ida neba, maibe ba aprende iha ne’e tamba Manorin sira mos sempre hanorin ho fuan no mos hakarak transforma duni matenek ne’ebe iha no hakarak fo duni ba oan sira, no mos professores sira maka sai hanesan ponte ida ba alunos sira, ikus liu hau nia mensajem maka neé odamatan eskola ida neé nakloke ba ema hotu-hotu”
Delfina Gouveia
Alumni-2002
“Ha’u sente kontente tebes wainhira tama iha programa siensia naturais bele aprende buat barak, bele praktika no bele aprende siensia neébe iha. Ba kolega sira hakarak hakat mai sekundária, odanmatan nakloke nafatin ba ita bo’ot sira no la taka dalan ba ita bo’ot sira wainhira ita boót sira hakarak mai eskola iha Escola Secundaria Geral nu. 01 "Hu iso lara iso”
Gastăo Martins Castro
Estudante Classe 10
